كشف رامي فتح الله، مدير وشريك مكتب فتح الله للمحاسبة والمراجعة، وعضو مجلس إدارة نادي سموحة، عن 5 خطوات بسيطة للشباب للوصول إلى الحلم، وتحقيق التجاحات العملية في الحياة.
وكتب فتح الله على حسابه على الفيس بوك، “اخر مؤتمر توظيف كان موجود في اسكندرية يوم الجمعة التقيت بطلبة وخريجين كتير و القيت محاضرة عن اسباب النجاح و ازاي تخطط لحياتك انا شخصيًا كنت مبسوط جدا وحابب اشارك دة بتفاصيله مع كل الناس اللي مقدرتش تكون موجودة اليوم ده” .
وأضاف، “لو عايز تنجح في حياتك ؟ .. بص علي حياتك من فوق بص علي حياتك كمان ٣ سنين عايزها تبقي عاملة ازاي .. خمس خطوات بسيطة هنقولهم بس لازم سعي وتطبيق ودايما تكون فاكر ان محدش هيساعدك غيرك وان النجاح شئ نسبي فاتعلم دايما تقارن نفسك بنفسك مش بنجاحات ناس تانين “
واستكمل في منشوره قائلًا: “اولا: من وجهة نظري إنك عمرك ما هتكون ناجح غير لما تحدد هدفك .. تحديدك لأهدافك هيوفر عليك مسافات كتيرة هتمشيها غلط لو محددتش من الأول انت عايز ايه ” .
وأشار: “ثانيا:جدد شغفك بإستمرار .. انا عارف ان ده مش سهل ومش بيكون متاح طول الوقت وفيه حاجات كتير بنتعرض ليها بتقلل من شغفنا وممكن تحبطنا وده وارد في أي وقت لكن احنا اتفقنا إنه لازم تسعي وتقاوم وتكون عارف إيه الحاجات اللي ممكن تجدد بيها شغفك من فترة للتانية عشان تستعيد طاقتك وتقدر تحقق أهدافك من تاني”.
وأضاف: “ثالثا: القراءة 📖 الموضوع ده بالذات عارف انه مش محبب بالنسبة لناس كتير وممكن يحسوا بملل لكن صدقني مفيش إنسان نجح من غير ما يقرأ، وحقيقي لو عايز تنجح خليك جعان قراءة .. واتأكد الحاجة اللي هتقرأ عنها كتير هتسهل عليك مشاوير وأسئلة ملهاش اجابات.
واستكمل: “رابعا: ودي مهمه جدا جدا إتعلم لغة… مع التقدم اللي بقينا فيه والتطور المستمر بقي الزامي انك تقدر تواكب ده وتبقي عارف تتواصل مع ناس وجنسيات مختلفة..وبيتهيألي إن من خلال التكنولوجيا والمواقع اللي بقت بتوصل لحد عندنا نقدر نعمل اي حاجة عايزين نعملها من البيت، يعني ممكن ناخد محاضرة، أو نحضر كورس، أو نشوف اكله معينه حابين نعملها فملكش حجة بقي 😅”.
وتسائل: “طيب ما نستغل النت برضوا ونتعلم لغات ؟”، قائلًا: خامسا: ودي بقي اهمهم علي الاطلاق نظم وقتك وحياتك صح.. أي حد ناجح هتلاقيه منظم وقته ما بين شغله ودراسته وحياته، وبيعمل كل حاجة هو بيحبها كمان وده عشان هو عرف يدير وينظم وقته صح”.
واختتم فتح الله في منشوره قائلًا: “دول بعض اسرار النجاح وأهمهم علي الاطلاق، وخليك واثق مفيش إنسان فاشل، النجاح كله متوقف عليك انت عايز تنجح، ولا عايز تثبت علي وضعك .. واخيرا حاول يا صديقي فالحياة من غير محاولات لن يكون لها قيمة ” .
